باسنت محمد تكتب لـ الأنباء نيوز : الثبات الإنفعالى فى خطابات الحكام !!

السبت 22-07-2017 18:50

باسنت محمد تكتب لـ الأنباء نيوز : الثبات الإنفعالى فى خطابات الحكام !!

كتب

الجانب الأخر من خطاب #تميم .. انا مواطنة مصرية عاشقة لمصر وانا اللي واقفة ضد أي دولة او اي شخص ضد مصر وانا اللي عملت صفحة #قطر_بنت_وسخة وانا اللي ضد الإخوان والسلفيين وتجار الدين . وانا اللي ضد الظلم بكل أشكاله .. وانا اللي كنت في حملة انتخابات الرئيس السيسي وكنت أدعمه بشكل هيستيري .. وانا اللي عاملة صفحات لدعم السياحة في مصر وجروبات كتير بتنادي علي مصر وبتناديلها الخير وانا اللي بفكركوا دايما بمصر زمان وعملت لكم جروب #تراث_مصري وانا اللي هطلع عين اللي هيزايد علي حبي ودعمي لبلدي ..

 

ولكن .. انا كمان اللي بقول كلمة الحق ولو علي جثتي .. دايما بشوف أعدائي برؤيتين رؤية كونهم أعداء أشرار خونة غدارين خاسئين ورؤية تانية فيها بعض الإنسانية لو لعبوا لعبة عجبتني وقدروا يدخلوا عقلي .. خطاب تميم إختصاره في عدة نقاط ..

(1) احنا دولة قوية لها إقتصاد قوي دولة غنية ميهمهاش المقاطعة يعني محناش ”فقرا قوووي ” وعندنا ما يكفينا من حاجاتنا الأساسية حتي الأن .

(2) اللي حصل ده خلانا نشوف إيه النواقص اللي عندنا ولازم نعمل علي إكمال الناقص ونشتغل دولة مع رجال أعمال وكويس ان المحنة دي خليتنا نقف عند نقطة مهمة تنفعنا في مستقبل دولتنا .

(3) إحنا مش واقفين مع الإرهاب ولا بندعمه ولا الدين له علاقة بالإرهاب لكنها أيديولوجيات دينية وعلمانية في دول شعوبها فقيرة ومظلومة ومقهورة وتعاني فبالتالي ستفرز لنا إرهابيين نحن فقط ننشر الحقيقة ولانحرض علي فعلها .

(4) نحن نبرز ما يحدث في المنطقة وليس لنا دورا فيه .

(5) تميم حط علي الدول الخليجية دول الحصار وقال انتوا ظلمتوا الشعوب في خلافاتكوا مع الحكام ولحد إمتي هيدفع شعب تمن غلطة حاكمه ؟ فرقتوا بين افراد الأسرة الواحدة لما إستدعيتوا المواطنين للعودة إلي أوطانهم وشتتوا ألاف الأسر وقطعتوا عيشهم ولكن إحنا في المقابل معملناش كده بالعكس إحنا متشرفين ومرحبين ومحتاجين لكل العمالة اللي عندنا ومش هنحط عليهم غضبنا منكم ..

(6) تميم بيعتب علي دول الحصار الخليجية لانه طبعا مالوش علاقة بمصر ولا جاب سيرتها إلا ضمنيا لما إتكلم عن الوشاية والنميمة وإن الكذب والفتنة أشد من القتل بيرمي إن مصر فتانة وكذابة ومدعية بس لو شاطر إمسكها عليه .

(7) تميم بيشكر كل من أمريكا وألمانيا وبريطانيا وفرنسا وكل الدول الأوربية وروسيا وتركيا والكويت .. من الأخر بيشكر العالم كله إلا دول الحصار يعني بإختصار العالم كله واقف مع قطر وزعردي يا إنشراح عاللي جاي واللي راح ..

(8) تميم بيقول في كلمته إن دول التعاون الخليجي بتدين السياسة الخارجية لقطر وقطر كمان بتدين السياسة الخارجية لهذه الدول ..

(9) محدش يحط علينا شروط او إملاءات .. خلينا نسميها تعهدات من جانب الأطراف كلها ..

 

اللي عاجبني ف كلمة تميم ثباته الإنفعال .. وكذبه بطريقة شيك .. وإعتزازه بنفسه وبلده .. وعدم غلطه حتي في دول الحصار والخصام .. عاجبني كمان الحتة الصايعة ف الأخر لما دعي للقدس وآدان ما يحدث في الأقصي ..

 

ملخص كلامي .. إحنا متشافين بزيادة وأي كلمة بل أي حرف بيقوله رئيس او حاكم دولة بيحط عليه وعلي شعبه وبيبقي إما وسام شرف او وصمة عار طول التاريخ برغم إن مفردات تميم سطحية وتافهة ولغته ركيكة ومش واضحة إلا إن موقفه عاجبني .. مهانش نفسه ولا بلده ولا شعبه برغم كل الإتهامات الموجهة له وبرغم ما قيل ويقال وسيقال عنه وعن عيلته .. الثبات الإنفعالي مهم في خطابات الرؤساء والحكام .. وإنك تنصر بلدك بالكلام أهم مقاما عندي من نصرها بالإنجازات #كلمتك_سلاحك كلمة أخيرة #تحيا_مصر من كل قلبي

التعليقات مغلقة.

مشاركتك بالتعليق تعنى أنك قرأت بروتوكول نشر التعليقات على موقع الانباء نيوز ، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من الانباء نيوز

الأكثر قراءة

ads

الأكثر تعليقاً

الانباء نيوز, الانباء, نيوز, موقع الانباء نيوز , الأنباء نيوز , جريدة الانباء نيوز , احمد فهمي الصحفي , الصحفي احمد فهمي