عسلية يكشف التحريات الرقابية عن النجم الكبير واللوبى التهريبى بقيادة الدلدول وولى الله بميناء دمياط والتنظيم الحريمى بزعامة السنيورة الأمورة والمندوب السامى النعمانى بميناء بورسعيد وإسكندرية المنسية والسُخنة وما أدراك ما السُخنة واللى بيحصل فى السُخنة

الأحد 03-02-2019 21:32

عسلية يكشف التحريات الرقابية عن النجم الكبير واللوبى التهريبى بقيادة الدلدول وولى الله بميناء دمياط والتنظيم الحريمى بزعامة السنيورة الأمورة والمندوب السامى النعمانى بميناء بورسعيد وإسكندرية المنسية والسُخنة وما أدراك ما السُخنة واللى بيحصل فى السُخنة

كتب

إتفقت أنا وعسلية منذ بداية كتابة حلقاتنا أن نكون عيناً لهذا الوطن وليس عيناً عليه لأحد وأن نقدم أيضاً خدمة وطنية صادقة للجهات السيادية والرقابية وأن نكون أيضاً وأيضاً عنوناً للحقيقة أمام الرأى العام المصرى لكنى كنت أكتشف مع نهاية كل حدوتة جديدة بالموانى المصرية أننا نحكى القشور والحقيقة مفزعة .

حاولت أن أحكى لكم أهوال ما سمعت من عسلية لكنى أمام إصرار عسلية على اللت والعجن فى جلسات الشلت البحرية تركته يحكى لكم حدوتة النجم الكبير مع السقا والداوودى وهنداوى بمساعدة الدلدول وولى الله بميناء دمياط وحكاية التنظيم الحريمى بقيادة السنيورة الأمورة وبقلظ وماما نونا وأمّح وعز والمندوب السامى النُعمانى ده غير الشريف العفيف النضيف بتاع السلالم الحريف كل دول غير عصابة السُخنة وما أدراك ما عصابة السُخنة واللى حصل وبيحصل فى السُخنة ده غير التهريب العلنى فى ميناء إسكندرية المنسية بالتفاصيل المملة !!

 

فقال لى عسلية :

إحنا صحيح بنقول القشور عشان الجهات الرقابية تجيب كل اللى فى البطون والمستخبى والمبطون مهو أصل الحكاية ما يتسكتشى عليها ده أمن قومى لبلد عظيم يا باشا وأنت أول واحد كتبت وقولت من سنة فاتت على النجم الكبير واللوبى اللى بيدير ميناء دمياط واللى خرب مصر كلها وكفاية إن 80% من أثار مصر إتهربت من ميناء دمياط عن طريق نفس اللوبى التهريبى الخطير وحتى الحاوية اللى أتمسكت فى إيطاليا واللى لقوا فيها كام ألف قطعة أثرية كانت خارجة من ميناء دمياط بتعليمات من النجم ورجاله وعلى رأى بابا ربنا يصبحه ويمسيه بالخير يا رب : الدنيا فى ميناء دمياط خربانة ومحدش فهمان حاجة وأسلحة وذخيرة بتخش وكاميرات مخابراتية للتجسس وكل الممنوعات بتخش البلد …!!

وزى ما قال بابا يا باشا : ((إحنا عارفين نجم النجوم الدمياطى بياكل إذاى ؟ مش فلوس لا سمح الله ؟!! بس أبنيلى كام دور فى البرج بتاعى اللى فى دمياط الجديدة ووضبلى الفيلا الفولانية وأفرشلى الفيلا العلانية من عند شنشن أو أشتريلى عربية للبت أو للواد وأشحنلى شكراً !!؟؟؟

 

فقاطعت عسلية وقُلت له :

إقفل خاشمك يا واد يا مفترى ده كلام ما ينفعشى يتكتب فى جرايد ولا يتقال على مواقع وسوشيال ميديا .. ده كلام ما يتقالشى إلا فى جهاز الكسب غير المشروع والأموال العامة والأجهزة العليوى قوى .. قوى قوى ومن أين لك هذا يا مبقع ..

إقفل خاشمك يا واد يا أبو لسان زالف وأما تيجى تحكى حكاية أبقى أحكيها صح .. أنت صحيح بتحكى م الأول بس مش م الأول قوى ما أنت عارفنى يا واد بأحب أحكى الحكاية م الآخر وبعدين أبقى أعمل ((فلاش باك)) على حواديت كل العصابات .. إقفل خاشمك يا واد يا مفترى عشان الموضوع مش شخصى زى ما كان بيحاول نجم النجوم يصوره لكل جهة رقابية زى للى قبله واللى قبل قبله وزى أى واحد بنكشفه قدام الجهات الرقابية والرأى العام .. بس الكلام ده أتهرش يا واد ومعدش ياكل مع أجهزة البلد الوطنية اللى أكتشفت خراب ورا النجم فى موانى بورسعيد ودمياط والسُخنة وما أدراك ما السُخنة وصحة ما نكتبه ونرصده .. أصل الموضوع كبير يا واد يا اللى قلبك أسود م البولاك وعاوز تقوللى : مش هوة ده يا باشا النجم الكبير اللى صدعونا السنين اللى فاتت عن الشرف والأمانة والنزاهة اللى أتخلقت علشانه يا واد يا مفترى .. خد قاعدة يا واد ((أى حد يقولك إنه شريف وعفيف وحواليه نصابين يحلفولك إنه نضيف .. هيا دى بقى عٍدة الشُغل لكل حرامى حريف)) وهتلاقيهم بيسرقوا مع بعض أصل الموضوع ما طلعشى برج سكنى وبس ده طلع أبراج وفيلل ومصالح دايرة فى البر والبحر يا واد يا أبو لسان أطول من طريق بورسعيد فارسكور وفارسكور القاهرة وأنت جاى م الجونة للغردقة وأنت طالع ونازل عـ السُخنة !!

مش هوة ده النجم الكبير اللى كان بيخطط من سنتين إنه يوصل للكرسى الكبير بعد تشويه الجميع بالحق وبالباطل عن طريق سلاحفه على شبكات التواصل الإجتماعى حتى وصل للكرسى الكبير .. لأ ومش كده بس ده أتخلص من كل كفاءات الموانى وخاصة ميناء بورسعيد حتى سقط مع موانى السُخنة ودمياط بالقاضية للحفاظ على كرسيه من أى منافس ولتذهب كل الكفاءات إلى أرفف الموانى البعيدة لتصبح كل تلك الموانى مجرد مسخ ومرتعاً لعصابات التهريب وتظل رئاسة تلك الموانى خالية للحفاظ على سبوبة النجومية بدمياط اللى بتبيض له بيضة دهب وعلاقاته المريبة بالدواوودى وهنداوى وكفاية أنه مخصصله البنا الدمياطى ونور العين لتنفيذ طلباته بالميناء واللقاءات الأسبوعية الدورية كل جمعة بمكتب الداوودى أما ((العُص السقاوى)) فدا حكايته حكاية وأحد ضحايا نجم النجوم بميناء دمياط وعلى رأى العُص السقاوى ((أخدونى لحم ورمونى عضم)) ومصمصونى يا باشا .

 

فقاطعنى عسلية وقاللى :

يا سلام عليك يا كبيرنا صندوق إسود بحق وحقيق وتعرف القرد مخبى إبنه فين فى البلد وعشان كده مش أحكيلك حدوتة الداوودى مع النجم الكيير عشان دى عاوزة حلقة لواحدها .. أنا هأحكيلك يا باشا حكاية العُص السقاوى مع لوبى النجم الكبير برئاسة الدلدول ومحمد ولى الله وسلامة والبنا ونور واللى عملوا من العُص حوت كبير فى أقل من سنة ونص وسهلوله دخول كل الممنوعات داخل الخردوات والبضايع العامة اللى جاية من الصين والهند وتركيا وتسهيل تزوير أفراج الصادرات الواردات لـ العُص السقاوى اللى عمره ما عرض حاوية ليه على الصادرات والواردات فى دمياط وده اللى خلا العُص صرف اللى وراه واللى قدامه لتوضيب برج النجم الكبير فى دمياط الجديدة وبعد ما فاحت ريحته يا باشا لرجال الأمن بالأجهزة السيادية والرقابية قام النجم ببيع العُص السقاوى هوة وعصابة المينا ((ولا كأنهم يعرفوه)) (( والفاتحة على قٍلة الأصل)) لأ ومش كده وبس دول مثلوا على الأجهزة الرقابية إنهم بيحاربوا التهريب والمهربين فى شخص العُص السقاوى مع إن العُص السقاوى نفسه راح لجهة عُليا رفيعة المستوى وعليوى قوى وأعترف على العصابة كلها من أول النجم الكبير مروراً بالدلدول وسلامة والبنا ونور وصولاً إلى خالد الذكر محمد ولى الله مسئول لم الغلة والتوريد .

 

فلاحقت عسلية وقلت له :

إقفل خاشمك يا واد يا أبو قلب عامل زى البولاك إياك تجيب سيرة البهوات والبشوات بتوع المينا إحنا مش قد الناس دى يا واد وماشيين جنب الحيطة وبنقول يا حيطة دارينا ودول أسياد البلد يا واد يا مفترى دول بقوا صفوة القوم الجدد فى دمياط يا واد يا أبو لسان زالف دول أشرف م الشرف نفسه وإحنا اللى مأجورين يا واد يا مفترى .. إقفل خاشمك يا واد وأسكت يا لسانى .. مش هى دى عصابة الشرف والأمانة بقيادة الراس المدبرة موسى التاجر الموظف الحكومى ((أشرف)) حرامى فى المينا بيظبط الأسعار وهوة أكبر تاجر قطع غيار موتوسيكلات فى المنزلة والمنصورة وفيهم 16 محل وشركة كبيرة بيديرها أخوه ده بالإضافة للعصابة الإخوانية اللى أستولت على المينا المنكوب وعلى رأسهم سلامة فى خير وخير فى سلامة اللى رقاه النجم الكبير أول ما وصل للكرسى وخلاه مدير عام وجاب مكانه أبو الأمجاد عشان يفضل مسيطر على أبواب المينا لحساب حبايبه رغم إن أبو الأمجاد الوهابى هو المتهم الرئيسى فى قضية الُعص السقاوى الخاصة بتهريب الديناميت والألعاب النارية والحبوب المخدرة واللى تخطوا أكتر من 600 حاوية تم ضبطهم داخل حاويات الخردوات فى قضية كبيرة متهم بها عدة كبير من الشركات بالقاهرة واللى أنفردنا على الأنباء نيوز بنشرها ده غير إن أبو الأمجاد الوهابى ممنوع من التعامل مع الجمهور بحكم المحكمة التأديبية وهو الحكم اللى ما أتنفذشى لأ وكمان رقاه النجم مدير لأبواب المينا ناهيك عن باقى أفراد التشكيل التهريبى بميناء دمياط أما الدلدول اللى شغال محلل للزواج الغير شرعى بين النجم ومهربين الميناء المنكوب وهو اللى بيمرر كل تعليماته بشد السّلخ على فلان وعٍلان والطناش على ترتان ((لأنه تبعهم)) ولا كأننا شايفينه أما أبو العربى الجوادى ومحمد ولى الله دول مسئولين عن حصد المحصول وتظبيط التظابيط .. أما الحلو المكافحاتى ده بقى شاهد ما شافشى حاجة وكله بتمنه ؟؟

 

فلاحقنى عسلية وقاللى :

يا سلام عليك يا كبيرنا بتفهمها وهيا طايرة وتعرف كل الفيران اللى فـ المينا وفى البلد وزى ما النجم خربها فى دمياط لحسابه الشخصى ولمصالحه فى ميناء دمياط ((ووزيره عارف وساكت)) وده مش كلامى يا باشا ده كلام جهات عليوى قوى فى البلد وعاملة تحريات عليوى قوى ياباشا وكفاية أقولك إن النجم الكبير غير إنه ساعد فى تهريب 80% من أثار مصر من دمياط ودّخل كل الممنوعات والمحظورات لحساب مهربينه لأ وكمان قام النجم بتسهيل عملية إعدام 110 حاوية مضبوطات على الورق فقط وده اللى أثبتته لجنة رئاسة الجمهورية فى تقريرها وزى ما بابا قال : ((ملف ميناء دمياط الأسود تهديد للأمن القومى المصرى)) ولازم يتفتح من كل الأجهزة الوطنية فى مصر والجرائم التى تمت منذ يناير 2017 وحتى الآن من عام 2019 وكل ما تم بتوقيع النجم وشلة الأُنس بالميناء المنكوب .

 

وأكمل عسلية …

وزى ما الأجهزة الرقابية رصدت الخراب اللى تم فى ميناء دمياط رصدت كمان الخراب اللى تم فى ميناء بورسعيد أهم ميناء فى مصر بعد أن قام النجم الكبير بالتخلص من كل منافسيه على الكرسى من الكفاءات ووضعهم على أرفف الموانى البعيدة بعد أن أطلق وابل من الشائعات والأكاذيب حول زملائه من القيادات فى مكالمة مسجلة أُذيعت على شبكة الفيس بوك و((موجودة لدى الجهات السيادية فى مصر)) حيث لم يسب زملاؤه وإلصاق التهم بهم فقط بل أفشى خلال المكالمة أسرار من حركة تنقلات تصفية الحسابات مع كل الكفاءات من زملاؤه وسمح بسب قيادات وزارية وسيادية وأمنية خلال تلك المكالمة الفضيحة .

المهم يا باشا إن النجم مش بس عمل كده ده جاب تنظيم حريمى بقيادة السنيورة الأمورة وبُقلظ وماما نونا للسيطرة على ميناء بورسعيد بـ لوبى مماثل لميناء دمياط ولكنه لوبى حريمى بعد أن أستطاعت السنيورة الأمورة فرض سيطرتها على الجميع وتبليغ التعليمات النجمية لكل القيادات مع تكليفات خاصة لأعضاء اللوبى بالإتفاق مع بعض المهربين بميناء بورسعيد ((إن الشغل هيبقى زى الأول وعال العال)) و((تم بالفعل)) وطبعاً اللى خارج دايرة إتفاق لوبى النجومية بميناء بورسعيد يشوف العذاب الأليم وناهيك يا باشة البشوات لسقوط الميناء الذى يديره قيادات ضعيفة وهشة ومرتعشة إلا من رحم ربى من البقية المتبقية بالميناء والله يكون فى عونك يا رجب وفى عون الجهات الرقابية ببورسعيد .

 

فلاحقت عسلية مجدداً وقلت له :

لساك شايل فى قلبك السواد يا واد وبتتكلم على اللوبى الحريمى اللى بيدير ميناء بورسعيد يا واد يا مفترى .. لساك بتحكى على بهوات وبشوات المينا الجُداد اللى بيحظوا بالرضى السامى من كل مهربين البلد يا واد يا أبو قلب عامل زى البولاك .. لساك بتحكى على السنيورة الأمورة اللى بتحضر كل إجتماعات النجم حتى الإجتماعات الدولية والنجم نفسه سفرها الصين وبتحضر كل اللجان وبتقبض من كل المكافآت ده غير المؤتمرات والأفشخانات الدولية اللى بتحضرها السنيورة الأمورة بتعليمات من النجومية كلها بعد ما كانت موظفة درجة تالتة حديثة منذ 8 سنوات فقط ثم ألتحقت للعمل مع النجومية كلها وماما نونا وأما النجم وصل للكرسى الكبير بالتحايل وليس بالكفاءة قامت السنيورة الأمورة وماما نونا وبُقُلظ العزاوى بطمس معالم كل المُكاتبات الشمال الخاصة بالنجم الكبير عشان يلقبوه بالشريف العفيف النضيف على حق وكانوا بيكتبوهالنا على صورته اللى مغرقة الفيس بوك عمال على بطال على صفحات التطبيل .

وكانت السنيورة الأمورة هى العصفورة اليومية لتبليغ نجم النجوم بكل كبيرة وصغيرة أيام رئاسة ((جيمى النطاط)) لميناء بورسعيد أيام ما النجم كان بيجهزله ملف عشان يزيحه وينُط على الكرسى الكبير وعشان كده السنيورة الأمورة تُخص النجم لمؤاخذة وهيا اللى موصية على جوز ((سمان برانى)) م اللى وصى عليهم لقمان فى تذكرته وطبعاً زى ما أنت عارف والبلد كلها عارفة ((الأسعار ع المداق)) وفيه رانى بالمانجة وفيه رانى بالخوخ وفيه رانى كوكتيل وفيه رانى بالشطة فى أكبر بلاى أستيشن فى بورفؤاد معروف وبإسمه وفيه رانى بالموز وده هتلاقيه قاسم مشترك فى كل تجارة الموبايلات فى شارع الممشى وأسألوهم وهما هيقوللكوا على كل حاجة ومعاهم دفاتر الحسابات !!

أما ماما نونا الضلع التانى الأساسى فى التنظيم الحريمى للنجم الكبير بميناء بورسعيد فهى المتهمة الرئيسية فى القضية رقم 3ح بتاريخ 26 يونية 2018 الماضى والمحرر داخل قسم شرطة ميناء بورسعيد والمسكوت عنها حتى الآن والخاصة بالإستيلاء على جهاز الحاسب الآلى الخاص بميناء بورسعيد ومسح كل البيانات التى عليه لطمس أى مستندات تدين النجم الكبير بالميناء وعشان كده رقاها ومسكها مكانه مكافأة على إخلاصها فى التخريب .

أما بُقُلظ العٍزاوى فدا الطرف التالت فى طمس أوراق النجم الكبير وعشان كده رقاه هوة كمان ((مهى زاطت بقى)) قام بُقلظ القانونى جاب السليمانى ((شريكه فى مكتبه الخاص)) يعمله مدير يحاسب كل المهربين الصبح فى المينا على قضاياهم ويدافع عن المهربين بالليل من المكتب الخصوصى وتحيا مصر !!

 

فقاطعنى عسلية وقاللى :

والله أنا مكسوف منكيا باشا .. بقى أنا جى أحكيلك ألاقيك أنت اللى بتحكيلى عـ البير وغطاه وعلى سمك المهربين من قلاه ومين شواه ومين عمله بٍـ صلصا ومين عمله شوربة يا باشا وعشان كده أسمحلى أكملك بقيت اللوبى النجماوى بميناء بورسعيد وخُش بقى عـ الحقيقة المُرة فى المينا الحُرة عشان أنا هأكلمك على الشريف العفيف النضيف النُسخة التانية من النجومية كلها بتاع السلالم الحريف اللى عمل أكبر مزرعة للمواشى بجنوب بورسعيد وأبقوا أسألوا هيما الكيلو عنده بكام ؟؟

وخش بقى ع الزغلول الكبير وبعد ترقية النجومية للشريف العفيف النضيف بتاع السلالم وتثبيته على كرسى كبير لا يستحقه يلم من خلاله الغّلة اللى هوة عاوزها من المجمعات عن طريق ((السجاع)) الشمشرجى بتاع الشريف العفيف النضيف بتاع السلالم وكمان عشان يغطى على فضيحة العلقة اللى أخدها جنب المزرعة بتاعته فى الجنوب بعد ما تم ضبطه مع سوسو الموظفة بالميناء داخل سيارته وكان مشغلّها أغنية ((رسالة من إمرأة مجهولة بصوت فايزة أحمد)) ولما ضبطوه كان لابس شراب أه والله شراب مع إن سوسو نفسها ما تتشافشى وشبه ((كوارشى)) !!

المهم .. تم إصابة الشريف العفيف النضيف بتاع السلالم إصابات بالغة من زويها ولما راح المينا قال لزملاؤه إنه عمل حادثة بالعربية بس الناس سألت ساعتها هوة فيه واحد يعمل حادثة ويتعور فى عنيه الأتنين ويتشّرح فى إيديه الإتنين بس الشريف العفيف النضيف قدر ساعتها يقنعهم إنها حادثة وقضاء وقدر أما دلوقتى بقى مظبط مع يويو بتاعة المعاشات اللى فى الدور التانى وبيروحوا بردوا المزرعة ويوم الجمعة   !!

وأكمل عسلية :

وزى ما الدلدول هوة المحلل الشرعى للنجم الكبير فى ميناء دمياط عب هادى ((زوج تحت الطلب)) هوة المحلل الشرعى بميناء بورسعيد حاجة كده ملهاش علاقة بالمنصب اللى هيا فيه وعلى الوش التانى يا باشا تلاقى ((أمح الملوانى)) حاجة كده لا شكل ولا طعم ولا لون وربنا يتولانا برحمته يا كبير !!

وأمح الملوانى ده ماسك أخطر منصب فى المينا رغم إن كبيره يبقى مدير إدارة ويمكن كمان مدير إدارة كبيرة عليه وعامل قرارات فى ميناء بورسعيد توديه النيابة بعد ما لغى المراجع المرافق للكشاف فسهل من عمل المهربين داخل الميناء وشغلته يعقد أى حاجة عشان يجيب الزبون !!

أما المندوب السامى النعمانى هو الأمر الناهى فى السيارات ورسم السياسات النجمية فى الميناء بدأ حياته موظف تضريب بالميناء الصبح وموظف بشركة أجهزة كهربائية شهيرة بالليل مع مجموعة كبيرة من موظفين بالميناء بالمخالفة للقانون وكان يقوم المندوب السامى وقتها بتظبيط شهادات الشركة الشهيرة وأستغل أسم إسم صاحبها للوصول لكبار القيادات ومنهم النجم الكبير وهو ما رشحه للترقى وكلمة السر ((البنهاوى الشرقاوى بكل إفتخار)) وكمان وطد علاقته بالشركات الكبرى وخاصة بشرق بورسعيد مما ساعده على تضخم ثروته بإمتلاكه فيلا بمدينة الرحاب وشقة بأبراج بورفؤاد فى موقع راقى وثلاث سيارات موديل حديث وبعد أن وصل للمجمع إياه قام بالإبلاغ عن عدد كبير من المستخلصين ببلاغات منه للمكافحة لإخضاعهم له وحدث بالفعل .

 

فلاحقت عسلية مجدداً وقلت له :

لساك شايل فى قلبك السواد يا واد يا أبو قلب أسود م السواد ولسة عاوز تكمللى باقى سبحة العصابة بميناء الحرة هـ تحكيلى ع السبع الشرقاوى يا واد يا مفترى وتكمللى الليستة بتاعة النجومية وعلاقته المشبوهة بـ((النحاس)) المسئول الكبير والذى كون ثروة طائلة من ضرب توقيع الوزير وكافة القيادات ولا أقولك على الجيزى يا عزيزى وحواديته من المنافذ للإستثمار ومن الإستثمار  لـ أبواب الصرف وما أدراك ما أبواب الصرف اللى معروف إنه حصالة ميناء بورسعيد ولا أحكيلك على اللى بيحصل فى ميناء السًخنة وما أدراك ما السُخنة وعصابة النجم اللى أتقبض عليهم متلبسين فى السُخنة وأنت نازل كدة م الغردقة ومطار الغردقة واللى بيحصل فى ميناء سفاجا فى سبوبة تهريب الجهاديين داخل مصر وكل ما هو ممنوع ومحظور ولا أقولك على تهريب العملة والأثار من الموانى الخاصة بالجونة ولا أقولك على أبو الأمجاد صاحبه اللى رقاه ومسكوا البحر الأحمر عشان يحافظ على السبوبة هناك رغم إن أبو الأمجاد نفسه ممسوك برشوة شهيرة فى علبة المناديل وأسألوا القزاز .. أقولك إيه ولا إيه يا واد يا مفترى .. أقولك على عباس وجرينكوا اللى بيخرجوا ملابس مستوردة وارد تركيا على موافقة تسجيل مصنع مفروشات وبتخرج زى السكينة فى الحلاوة من ميناء الدخيلة ولا أقولك على عمران اللى بيخّرج أى حاوية من ميناء الأسكندرية بـ 600 ألف جنيه إن شالله يكون فيها فيل ولا أقولك على الخلبوص مهرب شفرات الأسلحة البيضاء فى التلاجات والمُعدات بموانى دمياط وبورسعيد وصفقات المُعدات المهربة لحركة حماس وعلاقة قيادات فى حركة حماس بالخلبوص وعلاقته الوطيدة بالنجم الكبير من أيام دمياط ولا أحكيلك حكاية الداوودى وإبن أخته هنداوى والنجم الكبير والتتمين الملاكى والتهريب العلنى لكل شىء بميناء دمياط إقفل خاشمك يا واد وسيب شوية للحلقات الجاية ؟؟

 

التعليقات مغلقة.

مشاركتك بالتعليق تعنى أنك قرأت بروتوكول نشر التعليقات على موقع الانباء نيوز ، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من الانباء نيوز

الأكثر قراءة

ads

الأكثر تعليقاً

الانباء نيوز, الانباء, نيوز, موقع الانباء نيوز , الأنباء نيوز , جريدة الانباء نيوز , احمد فهمي الصحفي , الصحفي احمد فهمي