باسنت محمد تكتب لـ الأنباء نيوز : (شبابيك باسنتية) على العالم الصهيوأمريكى

اسمحولى أعزمكم علي فنجان قهوة بن محوج غامق بريحة الحبهان والمستكة وجوزة الطيب مع قطعة شيكولاتة بالبندق وعلى صوت كوكب الشرق وهى بتغني غلبت اصالح فى روحي … فين بقى ؟ في بلكونتى المصون .. حاكم أنا عندي بلكونة طيبة فيها شبابيك كتيرة بتسمحلى شبابيكها إنى أطل عالعالم كله وأعرف أخبار الناس و أشوف اللى بيعملوه الناس في الناس .. هسمح لكم تشاركوني وكل مواطن من حقه يستعير شباك يشوف ويعرف منه أخبار الكرة الأرضية بس خلوا بالكم .. الأوبشن ده لمدة ساعة واحدة فقط ومتخافوش هتلحقوا تعرفوا حاجات كتير واحتمال تفرحوا واحتمال تزعلوا وتنسوا طعم القهوة وصوت امنا كلثوم وتسيح منكم قطعة الشيكولاتة من حرارة احداث الكون .

أهلا وسهلا بكم في ضيافة باسنت .. حضرتك لو بصيت من الشرفة الأولي هتلاقي الكون كله امامك .. هتلاقيه منور ومزهزه وملألأ كده ويسر القلب .. ألوان الكون هتبهرك .. بس إستنى . دي مش ألوان حقيقية .. ده زيف .. تزوير وخدلك رشفة قهوة وهقولك ليه .. الكون منور بس إنت متعرفش مصادر النور ده .. اهو ده مثلا نور قوي نابع من البيت الأبيض والكونجرس الأمريكي اللي بيحكم العالم لحين إشعار أخر .

وكلمة صغيرة عن الكونجرس اللي بيسن القوانين الخاصة بالضرايب واللي بيشارك الرئيس الأمريكي في التعيينات ومن حقه يعترض علي الرئيس وقراراته وكمان من حقه تعديل الدستور .. الكونجرس ده بيتكون من مجلس الشيوخ ومجلس النواب وله صلاحيات جامدة جداً وأغلب أعضاؤه من اليهود .. واخدين نور الدنيا لصالحهم بيتشاوروا ويتناقشوا ويتحاوروا مع اولاد عمومتهم الصهاينة عايزين يوصلوا لهم أكبر قدر من نور الدنيا .. بيتفقوا هيقسموا العالم لصالحهم إزاي والدور علي مين في التدمير .

ما هما ماشيين تبع خطة محكمة وقادرين بصراحة وفاجرين عندهم كل الإمكانيات والصلاحيات ابتدوا بالعراق مرورا بقي بالربيع العربي واللي حصل ولسه بيحصل فيه .. هتلاقي الشباك ده اكبر شباك عندي عشان هو أهم شباك .. وهتلاقي كوريا الشمالية لها نور ساطع له وميض مرة يقوي ومرة يسكن ويسكت دي بقي اللي نورها كاسر نور امريكا واسرائيل .. كاسرة فرحتهم ومنغصة عليهم عيشتهم حاكم حاكمها ”كيم جونغ اون ” مجنون وميهموش قصاد انه يولع في امريكا انه يهد كوريا الشمالية علي دماغه ودماغ شعبه ويموتوا كلهم مفيش مشكلة .. وكمان بتملك كوريا الشمالية اخطر الأسلحة على الرغم من العقوبات المفروضة والعزلة التامة في نقل التكنولوجيا العسكرية وفقا لقرار الأمم المتحدة 2270، يتم تزويد جيش كوريا الشمالية بإستمرار بنماذج جديدة من الأسلحة – تقوم هي بتصنيعها محليا … ده مسمى جيشه بالجيش الشعبى الكوري كيم جونغ أون هو القائد الأعلى للجيش الشعبي الكوري ورئيس لجنة الدفاع الوطني .

الجيش الكوري يتكون من خمسة فروع:القوات البرية، القوات الجوية, القوات البحرية، فيلق المدفعية, قوات العمليات الخاصة. يبلغ عدد الجنود قرابة المليون و2 ملايين في الاحتياط …. ده بقي مجنن امريكا وبيرعب إسرائيل ومخلى ناس كتير بتتفرج وبتسقف للعبة الحلوة …. خدلك رشفة قهوة وخد نفس عميق ده انت لسه مشوفتش حاجة ..