شوقى سليمان يكتب (كلمة حق) لـ الأنباء نيوز : يا ريس فوق .. وحس بالشعب !!

الحمدلله رب العالمين وقدر الله وماشاء فعل ربنا يصبرنا على ما بلانا .. لكن أقولها صراحة فوق ياريس حرام اللى بيحصل ده بعد حكم الإخوان البلد كانت بتنهار  وسيادتك كنت رافض الترشح للرئاسة لكن الكل فوضوك والملايين نزلوا الشوارع وهتفوا بإسمك والحمدلله إستبشرنا خيراً فى قيادتك للبلد والدولار بـ 6جنيه والحياة كانت وردى والتبرعات نزلت كـ المطر من السماء على مشروع قناة السويس من أبناء مصر والحكومات تتوالى .. والكل فاشل .. وضربات موجعة تتوالى فى الكنائس وأكمنة الشرطة والجيش ويستشهد المئات من جنودنا وضباطنا أبناء مصر وتتوالى ضربات الإرهاب الموجعة لأبنائنا وأخواتنا وكل مرة تكون أكبر من الأخرى.

اريس إحنا بنحبك .. لكن اليأس بقى بداخلنا .. حرام ياريس .. الشعب بقى طفحان الشعب جاع .. الأسعار نار .. أبنائنا بيموتوا .. والحكومة مش من الشعب .. فوق ياريس .. أرجوك لشعبك اللى بيحبك بلدنا غاليا علينا وأنت ياريس مش حاسس بينا فين وعودك للشباب أغلب الشباب لا يفارق المقاهى وأشتغلوا نشالين .. وتجار مخدرات .. وأغلبهم مؤهلات وأغلب البنات لبسوا النقاب ليتسولوا .. وفوق يا ريس وحس بالشعب المطحون قبل ما تاخد أى قرار ..

يارب أنصر المصريين على الإرهابيين وأحمى خير أجناد الأرض جيشنا العظيم .