صباح الخير ومساء النور وسعيدة مبارك وعواف الله يعافيكوا والسلام عليكم ورحمة الله وبركاته ودمتم بخير وتسعوا للخير وتلاقوا الخير ..
مقدمة مبهجة مفرحة سعيدة ومبشرة ملهاش أي تلاتين لازمة علي فكرة بس كان واجب برضو أمر عليكم بكلمات تفاؤل حتي لو بالكذب ما هي دي حالة من الحالات المباح فيها الكذب من أجل تعطيل جو التوتر ولو قليلا عشان قلوب الناس مبقتش مستحملة كمية الأحداث والحوادث السوداء اللي بتحصل بشكل يومي .. رأفة بقلوبكم مش هنكد عليكم أبدا ولا هفكركم بكل السواد اللي بنعيشه الفترة دي خالص ولا هجيب سيرة كمية القروض اللي استلفناها من كل دول العالم ده غير قرض البنك الدولي اللي قضي علي شعب مصر جملة وتفصيلا ..
بس عايزة أهديكم غنوة بحبها قوي وهي الحقيقة أغنية مظلومة جدا متعملهاش دعاية مناسبة .. أغنية اسمها ” متتغرش أنا برفض غرورك رفض متتغرش تعالي إنزل وعيش عالأرض خلاص مبقاش يهمك حد غرورك زاد وفاق الحد ” هي للفنان خالد عجاج وأتمني تسمعوها من اليوتيوب هي مش مهداه لحضراتكم طبعا بس هتعرفوا بهديها لمين
ده اللينك بتاعها ..
فوتكوا بعافية بقي
