تكشفه وفاة الفنان سليمان نجيب : رقم في حياتك ؟!!

الفنان سليمان نجيب واحد من أجمل فناني الزمن الجميل .. علم وثقافه واصل واخلاق وخفة دم .. لم يتزوج ولكن كان لخادمه 3 أولاد تكفل سليمان نجيب بحياتهم وتعليمهم وبياخدهم للمستشفى لو تعبوا ويشتري لهم الدوا بنفسه …

كان الخدم الخاص تقريباً اصحاب البيت وهو اللي كان ساكن فيه كده عايشين كأنهم الملاك بحب منه وعشم فيه ياكلوا من أكله ومعاهم نسخ من المفاتيح يدخلوا ويخرجوا أي وقت .

عندما يزعل منهم يسيب البيت ويخرج ويقولهم انا خارج وسايبلكم البيت .. ولما يرجع يقولهم انا جيت ارجع ولا ادخل …

عرف من الطباخ أنهم بيبنوا جامع في بلدهم والموضوع واقف بسبب الفلوس دفع مبلغ من جيبه وراح وأتوسط وجاب إعانه 386 جنيه من الأوقاف للمسجد .

الداده بتاعته كانت زي والدته .. لما ماتت رفض أهله أنها تدفن مع والدته لأنهم شايفنها خدامة حتى لو كانت هي اللي ربته وكان هو مسافر وأتصلوا عليه ولما عرف قالهم  ((تُدفن مع امي طبعا هو في بيه وباشا في الموت كلها نومه واحده ــ عجايب عليكم ياناس عجايب)) .

عندما توفى أوصى بسيارتة للسواق والمطبخ والسفره للطباخ وباقي الأساسات لدار الأوبرا المصرية اللي كان هو رئيسها .

الغريب إن يوم وفاته كان أخوه مسافر بره مصر .. فطلب من صاحب سليمان نجيب يشرف على الجنازة ويكتب فواتير بكل قرش أتصرف لحد ماينزل ..

وفعلا عمل كده ولما رجع مصر قابله في بيت سليمان وقدم له فواتير بمصاريف الجنازة بالضبط وكانت 299 جنيه وقرش واحد طّلع أخوه دفتر الشيكات عشان يكتب له شيك بيهم جاله الخدام وقاله يابيه في مبلغ كان شايله سليمان بيه في الدولاب لمصاريف جنازته ..

راح اخوه وفتح الدولاب ولقى فلوس فكه كتير .. خرجها وعدوها طلعت بالضبط 299 جنيه وقرش واحد .. نفس مصاريف الجنازه !!

إستغرب القاعدين ومسكوا الفلوس يعدوها تاني ويراجعوا الفواتير تاني وتطلع نفس المبلغ .. ويقولوا مش ممكن الفلوس بالضبط .. نفس مصاريف جنازته !!

هذه علامة أحد الأرقام فى حياتنا .. الخير اللي عمله في حياته ستره حتى في مماته !!

سبحان الله زي مايكون مش عايز يداين لحد .. بعد موته حتى لو اخوه .

يسأل الكثير من الناس عن معنى الرقم الذى يظهر فى حياتهم بإستمرار .. تقول لهم هناك معانى كثيرة فى حياتكم المهم ان تتفكروا .. كأن يظهر رقم 99 أو 66 أو 91 ..

وهكذا كل شخص مرتبط برقم فى حياته يظهر له بإستمرار .. ممكن يكون رقم سورة من القرآن أو رقم يتصدق به .. أو رقم السعادة له فى علم الطاقة .. أو رقم بيت يشتريه فى المستقبل .. أو رقم مكان له محجوز !!!

ولكن كيف يعرف طاقة هذا الرقم وسره فى حياته ؟؟