باسنت محمد تروي لـ الأنباء نيوز : حدوتة عمر الشريف وأحمد رمزي صداقة أبدية كسرت كل خلاف ؟؟

برغم عصبية أحمد رمزى الشديدة إلا أن قلبه كان طيب جداً ، عمر الشريف يقول ((كنت عارف إن لما نزعل مع بعض هو اللى بيجى يصالحنى الأول دايماً ، وفى مرة حصل ما بينهم خلاف كبير وفضل الشريف منتظر رمزى يصالحه لكن ده محصلش قرر عمر الشريف انه يروحله ويشوف ماله ، أول ما رمزى شافه قام وحضنه وفضل يبكى زى الطفل ، لما هدي شوية سأله أنت ليه ما جتش تصالحني زي كل مرة ؟!

فكان رده من كتر ما كنت بصالحك الأول حسيت إني مش فارق معاك ما حبتش أفرض نفسي عليك وقررت بيني وبين نفسي إني أقطع علاقتي بيك رغم إن ده كان صعب جداً عليا بس إحساسي بأني شخص غير مرغوب فيه كان أصعب بكتير اوى يا عمر))

أوقات كتير بنلاقى ناس بعدت عننا فجأه بدون مقدمات وإحنا لا بنهتم ولا بنسأل ، إسألوا على صحابكم ومعارفكم شوفوا مين فيهم حس منك ولو عن طريق الغلط انه مش مرغوب فيه .. شوية إهتمام يا جماعة هيفرقوا كتير قوي .