يا عبعاطى فيه مثل مصري بيقول : اللي أختشوا ماتوا ، يا راجل إحمد ربنا إنك موش في السجن ، يا راجل أنت خليت رقبتنا قد السمسمة قدام العالم كله يا راجل الدنيا كلها قعدت تضحك علينا لمدة سنتين علي الأقل لحد ما الموضوع والفضيحة أتنست ، ولكن العيب موش عليك ، العيب علي الحكومة الهشة اللي سيباك تقول كلامك الفارغ بدون ردع ولا عقاب ، وعلي فكرة ، نحن الباحثين والأطباء والعلماء المتخصصين في علوم الطب ، والغير متخصصين في علوم الكلام الفارغ ، او كما هو معروف بعلم ( أبحاث علوم الكفتة ) ، يا سيد عبعاطى ؛ عندما هاجمنا سيادة معاليك ، كنّا نهاجم ونقول رأينا في اختراعك العجيب الذي يفطس من الضحك ، لم نهاجم إطلاقا المؤسسه العسكرية المصرية ، فهي علي رؤوسنا جميعا” ، فلا تتمسح فى موسسة برقبة سيادتك ، أرجوك وللمرة الخمستلاف إنك تنسى هذا الخبل ، وروح نام وأستريح وموش عايزين نسمع صوتك تانى ، و أوعى تنسي تتغطى كويس .
تحياتي وأحترامي للجميع ما عدا أنت يا سيد عبعاطى
العبد لله
رئيس اتحاد المصريين في اوروبا
