وكالعادة
باشوفها واحسن ب سعادة
لذلك ليا وقت طويل
مافيش غير حزن وزيادة
مافيش غير حلم متفصل
يادوب ..
على قد ملامحها
واهو ..أضعف إيمان عشقى
ب إنى انشالله ألمحها
ولو كان حتى فى الأحلام
واطير واوصل قصاد عينها
واجرجر ويا عينها كلام
وعينها ترد..
ب بلادة
وك العادة
أنا اعمل نفسى فاهم
انها بتتقل
واقول ح ابعد وح تنادى
ولا ح اسأل
يادوب بس التفت عنها
تكون دابت
واقول القلب ليه ضلمة
وشمس الطيبة ليه غابت
وتبدأ رحلتى تانى
وانا خايف
يكون عشقى
بقى برادة
و ك العادة
