عم شّكل ماشى يهدي نفوس السوايسة الآن عشان يلهيهم عن اللى بيحصل بين موظفين حي السويس من شغل علي مية بيضا وتهليب وأتاوات وأهوه كله بيقّلب رزقه ..
عم عادل محصل بالحى بيلف على كل اللى عاملين مخالفات في المحلات والقهاوي ومطاعم الكشري يا عينى وبياخد جباية من الغلابة سندوتشين فول وطعمية يا إما اقفلك المطعم على طبقين كشري يا الحبس يا عشرين جنيه من كافيه بيطلع شيشه يا اما اعملك محضر ترامادول وبرشام ع الناصية وكله علي عينك يا تاجر ..
كل ده غير البيه المسئول عن فواتير الكهرباء بالحى واللى بيطلع فواتير بمبالغ وهمية للى متضايق منه تصل لـ 2000 جنيه فى الشهر .. وفيه دورة مياه في سوق الأنصارى أخدها لحسابه وحولها لكشك وبعد ما جاب عرقه باعه لحسابه برضه بـ ٦٥ ألف جنيه وبعد ما ظبط كام مسئول في المحافظة (اللى هو الكشك بتاع المحافظة أصلا”) وسابوهولوا ده غير توقيعات وهمية لأراضى وضع يد راحت لناس كبيرة وشخصيات وضباط سوف نفصح عن أسماءهم حين تتضح كل الخيوط .. والملفات مفتوحة .
