الرئيس السيسي على خلفية إفتتاح المزارع السمكية شرق بورسعيد : قبل ما تسألني عن التعليم لازم أسألكوا أخبار تحديد النسل إيه ؟ زي ما بأطالبكوا وبتطالبوني لازم تقولولي أخبار النمو السكاني إيه ؟

على خلفية إفتتاحه لمشروع الفيروز للإستزراع السمكي بشرق بورسعيد المعروق قديماً بمشروع ((غليون)) أحد المشروعات القومية الكبرى بشرق التفريعة بمحافظة بورسعيد قال الرئيس عبدالفتاح السيسي رئيس جمهورية مصر العربية : أنه يريد رفع مستوى معيشة المواطنين لكن النمو السكاني يُعد تحديا كبيراً لنا .

وأضاف الرئيس السيسي أنه يسمع كلام ((فين التعليم ؟)) إحنا ((ماسبناش حاجة لا تعليم عام ولا جامعي شغالين في كل حاجة)) وأنا من حقي أسألكوا (((أخبار تحديد النسل إيه ؟))) ((أطالبكم وتطالبوني)) و((لا تعملوا اللي أنتم عايزينه وتقولوا خلاص)) زي ما بتقولوا ((أخبار التعليم إيه؟)) من حقي أسألكوا عن ((الزيادة السكانية)) إحنا بنمشي في كل القطاعات منقدرش نسيب قطاع .

كما أضاف سيادته ((بالمناسبة مش هتستحملوا كده لو ركزنا على قطاع بعينه فقط)) طيب هنصرف كل الموارد على التعليم بس؟ مينفعش ((لو أنت طالبتني بكل شيء هطالب بشيء واحد بس)) ((النمو السكاني أخباره إيه؟)) ده موضوع لازم نهتم بيه كلنا على مستوى الدولة ((حكومة وقطاع مدني وأهل الدين والإعلام)) .

وأضاف سيادته أيضاً ((دي قضية كبيرة مش محسساكم بكل الجهد ده)) وأكد ((والله العظيم بكل الجهد الجبار والإنجازات اللي ربنا وفقنا فيها مش قادرين نوصل إحساس حقيقي بالفلوس اللي هتدخل جيبك)) أنا عايز أرفع من مستوى كل المواطنين بس دايما النمو السكاني والزيادة مش بتدينا الفرصة دي .