بالفيديو | الأنباء نيوز تنفرد بنشر : حواديت عسلية في المصالح الحكومية وكل الأمور المستخبية في الجمارك والمواني المصرية ؟!!

كاريكاتير المُبدع أحمد بلال .. جرافيك ومونتاج للمُبدع محمود فهمي .. آداء صوتي للإعلامية باسنت محمد

إتفقت أنا وعسلية منذ بداية حلقاتنا أن نكون عيناً لهذا الوطن وليس عيناً عليه لأحد وأن نقدم خدمة وطنية صادقة وعنواناً للحقيقة أمام الرأي العام المصري .

حاولت أن أحكي لكم أهوال ما سمعت من عسلية لكني أمام إصراره على اللت والعجن في جلسات الشلت البحرية تركته يحكي لكم ويفضحهم ..

فقال عسلية :

بص يا باشا إحنا صحيح بنقول القشور عشان نصحي النايم ونكشف المستور

وكمان عشان اللي مش فاهم يفهم ويفّهٍم الزبون ويجيب كل اللي ف البطون والمستخبي والمبطون

وعشان كمان كل اللي مش عارف يعرف وكل اللي عارف وعامل نفسه مش عارف يعرف بردو

وعشان كمان وكمان نعرف الرأي العام مين اللي أكل ف كرشه المال العام ومين اللي غرف من خير البلد وعام

وأكمل عسلية :

أنا جاي أحكيلك يا كبيرنا عالبير وغطاه ومين اللي كشفه ومين اللي غطاه

ومين أشترى مين ؟ ومين اللي أنكرا على مين ؟ ومين باع مين لحساب مين ؟

ما أنت عارف إني عارف إنك عارف كل الفيران اللي ملو البلد

والطاعون اللي أنتشر جوة البلد والقرد مخبي إبنه فين ف البلد

فقاطعت عسلية وقُلت له :

إقفل خاشمك خاشمك يا واد يا مُفتري يا اللي قلبك عامل زي البولاك

لساك .. شايل ف قلبك السواد يا واد وبتتكلم على أسيادك وأسياد البلد وعاوز تقوللي بالمفتشر عن القرد مخبي أبنه فين ف البلد ..

إقفل خاشمك يا واد يا أبو لسان زالف ..

ده كلام ما ينفعشي يتكتب ف جرايد

ولا مواقع ألكترونية

ولا فيسبوكية

ولا يوتيوبية ولا تيك توكية

ده كلام ما يتقالشي إلا ف الأماكن العليوي أوي .. أوي أوي أوي

وف جهاز الكسب غير المشروع ومن أين لك هذا يا مبقع ؟!!

إقفل خاشمك يا واد وسيب شوية للحلقات الجاية !!