كاريكاتير الفنان ــ نبيل السمالوطى
الكلام داير هنا وهناك عن سبوبة موظف فى التموين بالسويس بياخد حصص الزيت والسكر لحسابه وبعدين عم شكل وهو رايح يصرف التموين بالبطاقة لقاها واقفة وبص يمين وشمال لقي ١٦ ألف بطاقة واقفة كلهم يا عيني فقرا وغلابة ويتامى وعاجزين كمان .
ده فيه واحدة يا حاج مجدى قعيدة على كرسى جت تصرخلهم وولادها شايلينها بالكرسي : هتطلق..هيتخرب بيتى .. ده انا جوزي تعبان ونايم ف البيت حرام عليكم .
يقوم يرد عليها طنط فتكات موظفة بالتموين إن ملهاش عندهم حاجة وأخرها ورقة تصرف بيها عيش علي قد لحافك يا طنط .
بالذمة ده كلام … وعمو كمان راح يقولهم يا حاج مجدى ازازة الزيت بقت ب٢٥ جنيه هنجيب كام ازازة يا حاج مجدى يا كبير .
وقال إيه لسة المكتب مسجلش البطاقات عشان البرنامج جديد .. حوش يا حوااااش
هىّ الناس هتاكل عيش بالكمبيوتر يخرب بيتكم دانتوا هتولعوا الدنيا وحياة جدو السمالوطى الكبير
يعني انتوا يا حاج مجدى ولا سجلتوا بطايق علي الكمبيوتر
والناس عواجيز مش قادرين ييجوا كل ١٠ ايام عشان المشوار بعيد
وطبعا الزيت بخ ..
والسكر بح ..
والرز مفيش …!!!
والله يرحم ايام ما كنا بندفع فلوس في التموين أيام عم شكل الإبن الورور الصغنون
