الفنان يوسف وليد.. اعشق العمل مع الفنان محمد رمضان.. وانتظروني في يوم من الأيام
أكد الفنان يوسف وليد انه سعيد جدا بالعمل مع أسماء كبيرة زي الفنان محمد رمضان ودكتور خالد جلال وأستاذ وليد يوسف والفنان عماد زيادة وفريق عمل علي أعلي مستوى.
وأضاف الفنان يوسف وليد انه سعيد بهذة الفرصة الكبيرة والعمل في أكبر مسرحية في مصر وأنه تجربة مفيده جداً و اتعلمت منها حاجات كتير جداً على المستوى الفني والأخلاقي.
وأوضح الفنان يوسف وليد ان محمد رمضان فنان موهوب جداً وإنسان متواضع جداً و محترم جداً ومن زمان كان نفسي أشتغل معاه والحمدلله الفرصه جات وإشتغلت معاه و بتعلم منه كتير أوي على المسرح وبره المسرح وان محمد رمضان نجم عنده قاعده جماهيرية كبيرة جداً و المسرح كل يوم بيبقى مليان جمهور بيتفاعل جداً مع أحداث المسرحية.
وأشار الفنان يوسف ان المسرح أبو الفنون و بداية أي ممثل في أي بلد وخصوصاً ان الوقفة قدام الجمهور من غير كاميرات بتبقى ممتعه وان الشباب بيدي الطاقة اللي المسرح محتاجها.
واختتم الفنان يوسف وليد انه يستعد لتصوير فيلم جديد اسمه “في يوم من الأيام” بطولة محمود حميده وهبة مجدي وأحمد حاتم تأليف أستاذ وليد يوسف وإخراج محمد مصطفى وتوجه الشكر للجمهور الذي يعتبر المعيار الحقيقي لأي فنان.
