تركت الفن بسبب تنمر الجمهور عليها : حكاية الفنانة ((رجوات منصور)) قامت بتربية 12 يتيم ودفنت في البقيع ؟

تعالوا نعرف حكاية رجوات منصو الفنانة إللي ظهرت في فيلم ليلة الدخلة والتي ولولدت في أسوان سنة 1914 لأسرة غنية ومقتدرة لكن لما لقت كل اخواتها اتجوزوا إلا هي بسبب بساطة شكلها قررت تنزل القاهرة وساعتها إشتغلت في البيوت والمحلات عشان تعرف تعيش لحد ما إتعرض عليها فيلم ليلة الدخلة في دورها الشهير وبعدها عملت 14 فيلم لكن بسبب تنمر الجمهور عليها قررت تترك الفن وعاشت في شقة في القاهرة .

كان لها جار شيخ متزوج من أرملة عندها أربع أطفال كان متكفل بهم وبيربيهم وعايش مع أمه وثمانية أخوات وزوجته .. أم الشيخ عرضت علي رجوات الزواج من إبنها فوافقت وكانت بتربي معاه أولاده وبتخدم أمه .. فجأة ماتت زوجة الشيخ وماتت أمه وبعدهما مات الشيخ وترك لرجوات 12 يتيم في رقبتها ..

هي كانت قد المسئولية إشتغلت تاني في البيوت عشان تربي الأيتام لحد ما كبروا وأصبحوا في مراكز مرموقة منهم المهندس والدكتور والمحامي والمدرس وكان كل حد فيهم بياخدها تعيش عنده شهر كامل ملتزم فيه بكل طلباتها عرفانا منهم بجميلها عليهم ..

في يوم قرر إبن زوجها الطبيب إنه يطلعها تحج فرحت جداً و سافروا على الأراضي المقدسة لكنها فجأة تاهت منه في وسط الزحام وهو فضل يدور عليها لحد لما لقاها ساجدة في الحرم .. لكنها متوفية ودفنت في البقيع وسميت ملكة جمال المدينة المنورة .. سبحان الله وبحمده سبحان الله العظيم ..

دي كانت حكايتنا النهارده عن إمرأة

هي وسام علي الصدر وتاج فوق الرؤوس