اصحى يا نايم
نسيت بلدك وبتفكر فى الاسعار والاكل
بدل ما تساند وتدعم الاصلاح والبناء والتشيد ماسك سكينة وبتدبح بلدك عشان تاكل من لحمها….
عايز الاسعار تقل ازاى وانت بايدك بتبيع الدولار اللى معاك فى السوق السوداء لشخص انت عارف انه بيحارب بلدك وبيهد اقتصادها .
عايز الاسعار تقل ازاى وانت مش قادر تعمل مقاطعة للتجار الحرمية اللى بيعلو عليك الاسعار بدون سبب ومش قادر تبطل استهلاك ..
عايز الاسعار تقل ازاى وانت كل سلوكياتك فاسدة وعشوائية من اول استهلاكك المفرط للكهرباء واستهلاك الماية واستهلاك الاكل ..
عابز الاسعار تقل ازاى وانت سالبى و ممكن تحمى تاجر فاسد وجشع لمجرد انه جارك او صحبك او من عيلتك وترفض تبلغ عنه او تشهد ضده…..
السيسى مش هيصلح ولا هيبنى ولا هيحارب لوحده
السيسى بيبنى وهو بيتحارب من اليمين ومن اليسار. السيسى بيبنى فى عز الازمات الاقتصادية فى العالم وفى ظل الصراعات السياسية والعسكرية المحيطة .
السيسى بيبنى رغم سلبية الشعب وسلوكه العدوانى والعشوائى والجاهل
السيسى بيبنى رغم الفساد اللى معشش فى جدران الدولة فى كل المواساسات واهمهم الشرطة اللى تعتبر منبع الفساد الا من رحم ربى .
السيسى بيبنى على ارض الواقع بنية تحتية عملاقة هتغير خريطة مصر الاستثمارية وتساعد على تنمية الدولة..
السيسى بيبنى مزارع سمكية ومزاع ماشية عشان يتحكم فى سعر اللحوم ويوفرها طول السنة.وهيخلق سوق موازى يحارب به جشع التجار..
السيسى بيبنى مصر لتكون اكبر مركز امداد فى العالم لتموين وتمويل السفن وصيانتها وده هيزبد من الدخل القومى بنسبة كبيرة بالاضافة لخلق فرص عمل حقيقية مش وظيفية..
وابتدى بتوسعة القناة وتعمقها وبناء ميناء شرق بور سعيد ومدينة الاسماعيلية الجديدة ومدينة فوق جبل الجلالة لتستوعب العمالة فى منطقة القناة..
السيسى بيبنى مناطق للصناعات المتوسطة زى مدينة الاثات فى دمياط ومدينة الجلود فى الروبيكى..
السيسى بيبنى مناطق سكنية محترمة لساكنى العشوائية..
السيسى طور اسلحة الجيش ونوع مصدر التسليح وانهى فكرة التسليح من جهة وحدة والتى كانت امريكا تعرفها تماما ومطلعة عليها بدقة وتتحكم فيها
السيسى انشاء محطات كهرباء لتوليد الطاقة واختفاء مشكلة قطع التيار نهائيا تقريبا…
السيسى اعاد للزراعة قوتها وابتدى يزرع الصحراء عشان يوفر الاكل و الامن الغذائى . ويتخلص بشكل نهائى من تحكم الغير فى اسعار الغذاء
السيسى بيلغى منظومة الدعم الفاسدة
( دعم السلعة) والتى تهدر المال العام واللى بيروح فى بطون الحرمية والفاسدين والاغنياء ولا يصل للفقير منه الا الفتات
ويطبق منظومة اكثر دقة واكثر فاعلية واكثر عدالة وهى دعم المواطن نفسه الاكثر فقر والمستحق للدعم ومنع الدعم عن القادر غير المستحق..
السيسى بيبنى عاصمة ادارية جديدة تنهى عصر العشوائية والزحام والفساد الادارى..
فهى عاصمة خارج الحيز الجغرافى لوسط القاهرة فينتهى الضغط المرورى عن وسط البلد فيقل نسبة تلوث القاهرة .. والاهم ان العاصمة الادارية ستكون ادارتها الكترونية فى كل المصالح و الخدمات الحكومية وهيقل تدخل العنصر البشرى بشكل كبير فيقل الفساد الحكومى …
السيسى ابتدى تنمية صعيد مصر المهم فى مثلث التنمية بين ثلاث محافظات كمرحلة اولى وبداية لاهتمام الدولة بالصعيد …
السيسى اتجه لسيناء كارض مصرية 100% ولم يهتم بمعاهدة كامب ديفيد ودخل بكامل معدات الجيش المصرى لاخر نقطة فى سيناء(رفح)
بالاضافة لانشاء 5 انفاق تحت قناة السويس يتم العمل فبهم الان وانشاء اول خط سكة حديد يصل سيناء وبربط القاهرة بسيناء بالاضافة لتوصيل مياه النيل للزراعة فى سيناء…
السيسى استكمل انشاء اول مصنع للبتروكيماويات للصناعات المرتبطة بالغاز الطبيعى وانتاج الاثليين الذى يدخل فى كثير من الصناعات التكملية وكذلك توفير الغاز الطبيعى للمصانع والمنازل.. ..
السيسى بيحارب فلول النظام الفاسد القديم وبيسترد الاراضى المنهوبة وبيحارب الفساد واخرهم فساد الصوامع اللى كان مستمر من عشرات السنين من عصابة من اكبر رجال دولة مبارك..
السيسى كشفهم ولم يتستر عليهم وبيقضى عليهم..
السيسى بيبنى وحدات سكنية لمحدودى الدخل تحترم انسانيته والمشروع مستمر على ارض الواقع وتم تسليم وحدات بالفعل بدون وسطة ولا محسبية.
السيسى بيعالج اهلينا مرضى فيرس سى فى كل الجمهورية على نفقة الدوله وهينضف مصر من المرض دا .
السيسى بيلف العالم عشان يجذب استتثمارات عالمية عملاقة لمصر لتوفير فرص عمل وبناء كيانات اقتصادية وانتاجية عملاقة تزيد من الدخل القومى
واخرها دعوته لاكبر تجمع اقتصادى فى الصين الشهر القادم لطرح قدرات مصر الاستثمارية امام اكبر عشرين دولة اقتصادية فى العالم …
كل ده السيسى عمله لبناء وتحرير مصر وصناعة مستقبل افضل وارقى
انت بقى عملت ايه… اقولك
افتكرت نفسك خبير وعالم وقاعد ليل نهار على النت تستعرض عضلات لسانك فى السباب والشتيمة والنقد التافه ونشر اتهامات مزيفة وباطلة ومتخلفة وتروج لاكاذيب وانت زى الخروووووف بتمشى وراء اى تخاريف وفاكر نفسك بطل وزعيم وابن بارم ديله..
وطول النهار مزهق اللى جابونا بالعيش والحرية والكرامة ومتخيل انهم هيتحققو بثورتك بس من غير شغل ومن غير عمل ومن غير جهد ومن غير صبر وتحمل …
من الاخر السيسى اللى مش عاجبك بيبنى وانت بتهد وتدمر عشان همك على بطنك….
سامع واحد بيقول والشباب اللى فى السجون ظلم
هقوله لما الشباب دول اتسجنو العنف اختفى من الشارع والجامعات والعمليات الارهابية وتفجير ابراج الكهرباء انتهت تقريبا..
العنف اللى كان موجود بعد ثورة 30 يونيه اللى خدعو نفسهم وشيلوها للسيسى لوحده واستعمو نفسهم ومشافوش الشعب وهو فى الشارع ضد الاخوان …
فى النهاية السيسى هيكمل بناء وبلدنا هتبقى افضل باذن الله والخرفان هنضحى بيهم فى الاعياد . واللى كل همهم يعيشوا ذى البهايم يكلوا ويشربوا ويتكاثروا بس طظ فيكم وانت هتفضل قاعد على النت مجنون ومشلول وخايب الرجاء تشتم وتصرخ وناكش شعرك ….
اللهم احمى مصر وارفع رايتها ووفق كل من يريد لها الخير
كلمات اعجبتني فنقلتها اليكم
