السلام عليكم حابه اعرف كل الناس الى حصل معانا النهاردة عشان يعرفوا إستغلال الناس وصل لحد فين النهاردة بعد ما عرفنا أن أسعار الاجهزة الكهربائية هتغلى قولنا ننزل نشترى لجهاز اختى قبل ما تغلى أكتر وطبعا” فى بنها مافيش غير مين شندى .
روحنا لاقينا هناك ناس كتير جدا” كأننا فى طابونة عيش !! الناس كلها بتلحق قبل الاسعار ما تولع ؟ المهم المحل قافل نص الجراج وموقف اتنين على الباب ومش راضين يدخلوا الناس ليه بقى ؟ يقولك اللى هيشترى بس ؟ تتفرج لأ .. الأسعار هتغلى ومش راضى يدخل الناس .. وبعد محاولات دخلنا والدنيا زحمه جدا” .. وبعد ما دخلنا يا ناس يقوموا طافين النور وبطرودوا كل الناس بره !! ليه ان شاءالله فاكر نفسه مين وواحد اتخانق يقوله انتوا بتعملوا كده ليه احنا جايين ندفع فلوس ونشترى يرد يقوله مش عايزين فلوسكوا .. أطلعوا بره (حسبى الله ونعم الوكيل) على الجشع .. كل ده عشان الأسعار هتغلى ومش عايز يبيع إلا لما يغلى وكمان عشان عارف إن مافيش غيره ده غير إن الأسعار عنده بقت نار فعلا والله حرام ..
وده حالك يا بلدى فى كل مكان !!
